Local

Cambio den maneho pa cu companianan cu ta pone trahadonan disponibel cerca un tercera persona

Entrante 1 di april 2013 a drenta na vigor e Ley riba trahadonan temporal (Landsverordening terbeschikkingstelling arbeidskrachten) cu ta stipula reglanan pa cu e sector

Colegio Arubano Project VWO5 ta score cu e promocion “Pone Salsa na bo Promo”

Recientemente un grupo di studiante di Colegio Arubano Project VWO5 a biaha pa Panama. Den cuadro di e expedicion aki Taco Bell Aruba ta extra orguyoso

Na ocasion di e di 14 aña di oficialisacion di nos idioma Papiamento, UPP kier a felicita henter pueblo Arubiano, especialmente tur nos Papiamentistanan y advocadornan di Papiamento den enseñanza, nos culturista y artistanan local cu ta keda promove nos Papiamento, por medio di literatura, canto y pelicula. Dia 21 ultimo, sigur tabata un dia cu nos tur mester para keto pa un reflexion especial, riba e rol cu nos Papiamento tin te n’e momentonan aki, y e rumbo cu nos tin scoge pa sigui desaroya Papiamento, como idioma nacional y oficial di Aruba, segun miembro di UPP, drs. Raymond Hernandez. “Nos sa cu tin hopi critico cu ta mira Papiamento ainda como un dialecto of un lenga inferior. Nos tin e scepticonan cu ta bisa cu Papiamento no ta hiba nos ningun caminda, y no ta mira un rol pa nos idioma den nos enseñanza. Nos tin tambe “colonialistanan” sea academico of no, yiu di tera of di madre patria, cu ta pensa cu enseñanza di y den Papiamento lo no sirbi nos pais. Nos tin di reconoce cu Papiamento pa mas di 300 aña desaroya su mes bira un idioma. Nos sa cu pa epocanan e mester a defende su mes. Nos por comprende for di Fundacion Lanta Papiamento, por medio di sra. Joyce Pereira, cu si na prome instante tabata prohibi nos hendenan pa papia Hulandes, despues a cambia e politica di idioma, dor di prohibi Papiamento. Y asina mes nos por mira con den un periodo largo e Papiamento a resisti y persisti, te bira oficial. Lamentablente nos mester bisa cu esaki ta apenas 14 aña. Nos di UPP ta consciente, cu ainda nos no ta unda nos mester ta, ya cu nos ta kere cu Papiamento na final lo mester haya su lugar den nos enseñanza, reconociendo tambe e derecho di educacion di nos muchanan den idioma di su pais. Esaki ta un di e aspectonan cu Nacionnan Uni, por medio di UNESCO ta reconoce y ta fomenta” segun drs. Raymond Hernandez. Den su programa pa eleccion 2013, UPP a desaroya ampliamente riba e metanan cu e partido ta para pe, pa cu enseñanza. Un programa cu pa gran parti pa 2017 ta keda valido, mirando cu pa 4 aña mucho no a sosode. UPP ta convenci cu enseñanza y educacion t’e instrumento, e herment, di mas importante, den desaroyo di un pais y un pueblo. Sigur na momento cu vision di UPP ta cu nos mester tin un comunidad cu ta brinda tur nos ciudadanonan e oportunidad pa desaroya nan mes y contribui na su comunidad. Fortaleza di nos nacion, nos patria, ta nos hendenan. Enseñanza y educacion mester crea un comunidad cu ta siña carga su responsabilidad, cu ta tuma e timon di su propio desaroyo. Un comunidad basa riba solidarismo, union y participacion activo di nos ciudadania. Un comunidad cu ta cuida su medio ambiente, cultura, norma y balornan, nos Papiamento. E ultimonan aki nos ta mira tambe como e forsa catalisador di un integracion real di tur esnan cu a bin biba riba e baranca aki. UPP ta kere cu enseñanza ta un di e derechonan mas fundamental di un hende y p’esey e mester ta un enseñanza di INCLUSION y no di exclusion. Y exclusion di enseñanza den lenga materno, nos ta kere tambe cu ta exclusion di nos muchanan pa un desaroyo di nan capacidadnan intelectual den un forma optimo, tante na su propio beneficio, esun di su famia y al final di su pais. Ta den enseñanza ta unda cu nos mester duna Papiamento su espacio p’e ciudadano hoben aki por desaroya como un vehiculo di desaroyo intelectual y critico. Creando ciudadanonan asina, ta permiti nos pa crea un sociedad cu di berdad ta aporta na su propio democratisacion, incluso di e sistema politico. Creando ciudadanonan critico y independiente den pensamento ta core tambe cu e cultura di miedo. Pa UPP introduccion di Papiamento ta mandatorio y obligatorio, si nos kier sobrebibi como pueblo. Nos tin comprendi cu tin un estudio riba e scolnan modelo multilingual cu ya caba pa algun aña ta draai na Aruba. Y cu e resultado segun nos por comprende ta uno safisfactorio p’e tipo di scol aki, unda cu Papiamento t’e idioma di instruccion te cu e di 4 aña. Teniendo na cuenta tambe e opinion vocifera pa tanto sra. Jocette Daal di SKOA y sra. Marushka Cornelie di SIMAR tocante cu nos enseñanza ta un anticua y cu a funciona 40 aña pasa, cu ta momento pa seriamente bin cu cambionan fundamental den nos sistema di enseñanza y na unda cu parti di cambionan aki ta cu Papiamento ta bay den enseñanza como idioma di instruccion sigura pa loke t’e eduacion basico”, segun drs. Raymond Hernandez, miembro di partido UPP.

Drs. Raymond Hernandez: Dia 21 di mei 2017, tabata 14 aña pasa cu a oficialisa Papiamento na Aruba

Praktijk Ondersteuner di dokter di cas, Dellanira Maduro: Loke ta haci presion halto peligroso ta cu e ta silencioso

Concierto Dominical “Donny Laclé” diadomingo dia 28 di mei 2017

Colegio San Nicolas goes abroad!

Hoben di 26 aña tira mata banda di Olde Molen

Top