3D Surveying haciendo prueba di midimento di un edifio monumental

Recientemente, 3D Surveying cu ta specialisa den midimento di tereno y edificio cu drone of cu laser a haci un midimento di Ecury Complex. 3D Surveying cu su software ta traha un stramien rib’e tereno cu e edificio ta situa riba dj’e pa despues cu un drone ta pasa varios biaha rib’e edificio. Aki ta tuma diferente informacion di e edificio. Cu e informacion aki, por pone den diferente programa di pinta mapa manera e. o. Autocad, Revit, Archicad, etc.

 

E midimento aki ta den precision di centimeter y si a hacie cu laser e precision lo ta den millimeter. E costo pa hacie cu laser lo mas halto. E proyecto aki ta uno di prueba, pa wak si e ta cuadra cu e realdad. Monumentenbureau ta evaluando cu e manera inovativo aki p’asina tin tur mapanan digital y lo propone esaki tambe na Gobierno. Pero semper ta keda e factor primordial cu ta e financiamento di e proyecto aki pa e por bira realidad.

Monumentenbureau ta gradici “3D Surveying Specialized in Laserscanning and Surveying” pa nan cooperacion pa e proyecto piloto aki.

Top