4 Aña di prison pa Polis Bremo

E Polis, Eduardo R. Bremo awe mainta a tende veredicto den su caso, unda Huez a aumenta e castigo demanda dor di Fiscal di 42 luna sera pa 48 luna. Esta e lo tin cu sinta 4 aña na KIA.
T’asina cu Fiscal di Ministerio Publico a acusa Polis Eduardo R. Bremo di violacion di un señora den auto di servicio, durante cu e tabata na warda.

Dia 9 di maart ultimo Fiscal a demanda 42 luna sera, pero ayera Hues a conden’e na 48 luna di prison, pues 4 aña largo, pa violacion di un hende muher, bou ora di trabou, den uniform y den auto di Polis!
Fiscal di Ministerio Publico a acusa Polis Bremo di a viola un dama dia 10 di november 2016.

E violencia a ensera cu e, na uniform di Polis, a (entre otro) duna e persona ordo pa mustra su pasport y p’e subi den auto di Polis.

E lo a bisa e victima cu e ta bay hibe sera, pero a hibe na un lugar leu, a bise varios biaha cu e ta un Polis y cu e tin arma y consecuentemente a haci uso di e desigualdad di poder cu a surgi como resultado di e situacion.
Pero separa di e prome acusacion ey di violacion sexual, a bin acerca awor cu den su posicion di ambtenaar y Polis, a malversa obhetonan, esta un chin-up y dos klop, den e periodo di 1 di januari 2009 te 16 di november 2016.

Comosifera poco, Fiscal tambe ta acusa e Polis di, a ilegalmente haci doño di 60 bala y un cachiporra. E acusado tin dos siman pa apela su sentencia den caso cu e no ta di acuerdo cu su castigo.

INOCENTE
Señora di Polis Eduard R. Bremo si ta haya cu su esposo ta inocente. Asina cu e castigo a cay ayera, sra. Lisbeth Panneflek a scirbi riba su FaceBook: “E unico cos cu mi ta bay bisa ta, decision di Huez no tabata husto.
Mas despues mi ta bay post desde prome dia te cu awor, con tur cos a tuma lugar.
Desde e supuesto violacion te n’e declaracionnan di e supuesto victima”.

Segrun Lisbeth Panneflek, ta hopi tristo cu Huez ta duna un sentencia riba algo cu ta clao, cu tabatin gañamento, Pero pasobra su casa ta un Polis, a dicidi di tume como ehempel pa posibel castigonan pa otro Polisnan si un dia nan haci malo.

“Esnan cu no conoce Bremo y ta sinta papia k…k di dje sin conoce y tin mi geadded, please un friend bo mes. Cos no a caba ainda, tin un caminda pa sigui cana y demostra cu e ta inocente.
Mi sa kend e ta y con e ta. Mi lo sigui 100% su tras te dia e sali liber. I love you Bremo”.

Top