45 Aña historia MEP entrega na Biblioteca Nacional

Partido MEP den cuadro di celebracion di 45 aña, a publica e historia di 45 aña MEP.

E publicacion aki a wordo entrega na tur candidato y ex candidato di MEP como reconocemento y homenahe na nan aporte n’e gran historia aki.

Den e publicacion por haya informacion di fundacion di partido, y e desaroyo di partido te cu awor.

No ta tur e logronan por a wordo inclui den e publicacion aki, pero sigur lo wordo inclui den e siguiente edicion.

Awor e publicacion a wordo entrega na Directora di Biblioteca Nacional sra. Astrid Britten, p’asina e bira parti documenta di nos historia.

N’e ocasion aki tabata presente lider di partido MEP Evelyn Wever-Croes y miembronan di directiva di MEP Setty Christiaans y Manolo Giel.

E publicacion ta na benta na Cede di MEP.

 

Top