A eligi Darlene Laveist como empleado di luna na Hospital

Hospital a celebra cu su empleado di luna di juni 2017 den persona di Darlene Laveist. A nomina Darlene Laveist a base di puntonan, virtudnan cu nan a manda dilanti p’asina e por yega na remarca y pa keda eligi como empleado di luna.

 

Locual cu ta resalta den Darlene como empleado ta cu e ta un persona cu ta gusta siña y desaroya su mes, manager di Human Resources, sra. Sheila Kelly a expresa.

Segun Kelly, “E ta un persona hopi dinamico y yena di energia. Tambe e ta duna tur su apoyo y coopera cu otronan.”

Darlene ta un persona cu semper ta mira cosnan na e banda positivo, p’asina e por drecha cosnan, procesonan, p. e. den e departamento di Human Resources.

 

Algo cu ta pone Darlene destaca ta cu e no ta ria pa haci extra trabou, cu ta tareanan cu normalmente no ta pertenece na su encargo.

“E ta un persona cu ora e hinca algo den su cabes pa ehecuta, e ta bay p’e y haci’e mas miho posibel”, sra. Kelly a indica di e cualidad di su colega Darlene Laveist.

 

Secretaria di Human Resources di Hospital, Darlene Laveist, a keda scogi como empleado di luna di juni. Darlene Laveist tabata emociona pasobra e no a spera cu nan a scoge su persona.

“E tabata un sorpresa hopi bunita di mi coleganan cu a nomina mi como empleado di luna”, Darlene Laveist, kende tabata contento, a bisa.

 

Darlene Laveist ta un persona pro-activo na su pia di trabou y e ta kere cu otronan tambe mester haci mescos. Keda haci pa alcansa cosnan miho, di ta multitasking y semper keda siña algo nobo.

Top