A habri solicitud pa klas nobo Awor bo tambe tin oportunidad di “Sirbi bo pais – Bira Polis” Por solicita te cu dia 15 di februari

Den cuadro di nan maneho pa recluta y engrandece Cuerpo di Polis di nos pais, recientemente Academia Policial Watty Vos a habri vacatura pa tur esnan interesa pa bira Polis, por solicita.

Ta acepta aplicacion te cu dia 15 di februari, pues ta pidi tur esnan interesa pa pasa yena un aplicacion na Academia Policial Watty Vos na San Nicolas, situa na Fort Heuvelstraat 25,

 

Pa por solicita pa Polis, e aplicante mester tin nacionalidad Hulandes, mester tin entre 17 pa 34 aña di edad, midi minimo 1.60 meter y mester un diploma di minimal MAVO.

Por pasa solicita na Academia Policial Watty Vos di dialuna pa diabierna entre 8:00am pa 4:00pm. Mester trece 2 pasfoto recien, copia di e diplomanan, lista di puntonan y un copia di Bo paspoort. Si tin mas pregunta por bel na 584-8282 of manda un e-mail pa adminpoi@kparuba.com.

 

Anualmente tin Polis ta baha cu pensioen, pa cual e Academia Policial mester percura pa entrega Polis nobo, bon prepara, entrena y cu entusiasmo pa sirbi nos comunidad. Cada biaha cu habri posibilidad pa solicita, ta haya centenares di hobennan interesa, pa cual atrobe ta spera di conta cu e mesun interes pa bira un defensor di ley.

Cuerpo Policial Aruba ta existi desde aña 1986 y ta conta awendia cu mas o menos 600 Polis trahando incansablemente pa brinda siguridad na nos pueblo. Ta trata aki di 375 hende homber, 104 hende muhe y 120 empleado administrativo, trahando den 4 districto, cu Warda nan di Polis situa na Oranjestad, San Nicolas, Noord y Santa Cruz.

 

 

Top