A localisa curpa sin bida di e dama perdi

WILLEMSTAD – Diaranson 19 di april 2017 alrededor di 1’or y 05, Central di Polis a haya notificacion di Guardacosta cu a localisa un curpa sin bida di un dama den lama na un distancia di alrededor di 10 miya for di costa di Westpunt.

Guardacosta a trece e curpa sin bida aki cant’i caminda Polis a cuminsa cu un investigacion forensico.

 

Ayera, 18 di april, Polis a emiti un comunicado di prensa pa buskeda di e dama Annu Anand Bhasin, naci na India di 30 aña di edad (comunicado di prensa 127/2017).

E dama cu a localisa den lama su descripcion ta cuadra cu e dama ariba menciona.

 

Dokter di Polis y tambe e patologo a presenta n’e sitio y riba ordo di Fiscal di Ministerio Publico a confisca e curpa aki pa mas investigacion. E investigacion den e caso aki ta continua.

Top