A logra salba Bubali Plas, e efecto di Diesel ta minimo.

Despues di 2 dia y mei di esfuerso non-stop di staff di DOW, e trahadornan balente y su contratistanan a logra contene e diesel procedente di e incidente na Hospital p’e no causa un desaster na habitad di Bubali Plas.

Mester bisa si cu esaki a rekeri hopi esfuerso di staff di maneho di DOW y cu apoyo di comision di calamidad.

 

E Comision tabata monitor e situacion continuamente y tabata informa Gobierno y demas stakeholders di e situacion.

Decisionnan clave a ser tuma y cu hopi cautela y presicion a tuma e pasonan necesario pa logra e meta pa cu e diesel no yega den Bubali Plas.

Diadomingo merdia despues di e analisis cu Directie Natuur & Milieu a haci tanto den Bubali Plas como den e planta di tratamento di awa residual, a conclui cu e nivel di oxigeno den e awa di Bubali Plas y tambe den e planta ta bon atrobe.

 

Esey kiermen cu por a bay over  pa trece awa cu bacteria activo for di planta di Parkietenbos pa jumpstart e proceso den e AeratieTank. Ora cu e proceso aki ta bou di control lo bolbe cuminsa manda awa pa bubali Plas.

Gerencia di DOW ta gradici tur instancia cu a traha cu alma y cuerpo, overtime y bou di condicionnan tenso pa a realisa e trabou grandi aki cual a evita un desaster n’e sanctuario di parha y pisca di Bubali Plas.

Un biaha mas DOW  ta gradici tur esnan cu a yuda y ta segura cu lo sigui monitor e proceso den e proximo simannan.

 

Leave a Reply

Top