AA Installatie Groep Caribbean ta agencia di airconan LG pa Aruba

Specialisa den solucionnan comercial den mundo di “HVAC”, e compania AA Installatie Groep tin mas o menos 2 aña caba den tramite pa e mercado di Aruba. Awor cu nan edificio, nan ta cla pa hiba e compania na e siguiente nivel di crecemento. E fin di siman aki nan ta organisa nan evento di apertura oficial, den nan edificio situa na Barcadera 5-C.
Ya caba e compania a logra instala y mantene airconan comercial den varios edificio, tanto na Aruba como na Boneiro.
AA IGC ta pertenece na e grupo AA Installatie Groep di Hulanda, cu ta percura pa tur sorto di solucion den heating & refrigeracion. E intencion di habri un compania na Aruba ta pa por sirbi clientenan den henter Caribe.
Aki na Aruba e compania ta conta cu un grupo di empleado, entre nan ingenieronan y tecniconan, capaz pa brinda tur servicio, den benta instalacion y mantencion di airconan marca LG, na e nivel di calidad halto.
Siendo e agente oficial di airconan marca LG pa Aruba, ta bende producto y acesorionan di airco. E tecnologia di LG a desaroya di tal forma cu awendia tin sistemanan moderno di monitor, cu for di bo computer of smart phone bo ta controla tur bo sistema di airco den bo edificio.

E tecnologia di LG ta basa riba  uzo eficiente di coriente.
LG ta producto di South Korea y e productonan cu lo bende na Aruba ta traha specificamente pa e clima di nos region, biniendo procedente di Hulanda.

E airconan ta varia di tur capacidad, di standard inverters comercial te cu industrial.

E aparatonan ta disponibel den 50/60Hz single y 3 fase den diferente opcion di voltahe.
Ing. Ben Vrolijk lo supervisa e maneho diario di operacion, siendo e Area Manager pa Aruba. Rosendo Leon ta e director financiero mientras cu Arie van Tienderen Jr., ta e director general.

Top