Aaron Jacobs di Brazil Taekwondo Stichting a cuminsa cu e prome training pa e TK5 di Corsou

Diasabra mainta trempan e atletanan cu kier forma parti di e team di TK5 pa Corsou a presenta na Grape Field pa e prome training.

 

Aaron Jacobs a splica nan bon cla kico tur ta spera di cada uno cu a cuminsa train e dia mainta ey te cu dia 5 di augustus. Alberto Klabér a bisa tambe cu esaki ta e prome training y cu lo scoge e team dia 5 di Augustus p’asina por sigui train cu e team di 5 of 6 atleta.

Nos kier tin e miho team posibel p’asina ta bon prepara pa enfrenta Corsou y e demas paisnan.

 

Despues di Corsou lo haci un evualacion di e team pa e TK5 di Surinam na luna di februari 2018. Mester mira tur esnan cu curason grandi di cerca p’asina por train duro pa Corsou.

Training nunca ta facil, specialmente ora ta papia di training den aire liber. No ta conoci ainda si lo bay forma team di Cadet y Junior pa ambos evento.

 

Un cos si ta sigur cu nos ta bay train duro pa Corsou, pasobra nos a perde e titulo dos biaha caba y nos kier gana esaki e aña aki. Pa nos por logra esaki, nos mester un bon team y nos mester cuminsa prepara for di awor aki caba.

Leave a Reply

Top