ABC a perde caso hudicial contra pais Aruba: Responsabilidad di proteccion di naturalesa ta Parlamento

Siman pasa, Stichting Aruba Birdlife Conservation (ABC) a cuminsa un caso sumario contra di Pais Aruba pa cu proteccion sitionan indica. Huez a laga sa cu e no por obliga Pais Aruba pa proteha e sitionan indica cu merece proteccion, pero cu dicho proteccion ta competencia di Parlamento.

Banda di esaki, Corte no por un paro na construccion, pasobra te ainda no tin claridad cua t’e sitionan di naturalisa cu ta proteha pa ley.

 

Di e forma aki, ABC a perde e caso sumario cu nan a entama y den Amigoe, abogado di ABC, mr. Geert Rep a duna di conoce, cu e lo apela, pero e lo tin cu delibera ainda cu su cliente si nan kier apela.

Tur loke cu ABC kier ta, pa evita cu Gobierno lo duna e.o. De Veer Chain Theatre tog e tereno solicita den saliña pa nan construi un Cinema masha modern banda di South Beach Center.

 

Tabata algun tempo atras cu E. de Veer Chain Theatre a cuminsa tambe un caso sumario pa oblige Gobierno pa duna nan e tereno solicita na erfpacht pa por sigui cu nan proyecto di un Imax-Theatre, unda ABC tambe e uni su mes cu Gobierno, pa no duna opcion riba e tereno.

Huez den dicho caso, no a trata e demanda di ABC, pero na final a duna veredicto unda E. de Veer Chain Theatre a perde su caso, y a mustra cu e compania ta demasiado pura, pa duna Gobierno su tempo. Esaki ABC kier a evita awor, pero awor nan tambe a perde e caso.

Top