Abogado di Gobièrno ta revisá palabracion entre Gobièrno di St. Eustatius y NUSTAR

KRALENDIJK – E abogado di Gobièrno, riba petishon di Minister di BZK, a revisá e acuerdo entre e isla Sint Eustatius y Nustar tocante di e tarifanan di haf y servicionan di lots cu ta bay aplicá.

E abogado ta concluí cu e manera con a yega n’e acuerdo aki no ta legal y tambe e ta contra di ley- y reglamentonan cu ta na vigor.

Sinembargo, e abogado di Gobièrno ta yega n’e conclucion cu mester tin e posibilidad pa ainda laga e acuerdo cumpli cu esaki.

E iniciativa pa yega na un acuerdo cu Nustar merecé un resultado bon y rápido cu mira riba e interesnan económico di e teritorio insular.

 

E abogado di Gobièrno a constatá cu no a yega n’e acuerdo aki corectamente, debí cu falta un decreto di e Colegio Ehecutivo y e acuerdo no ta firmá dor di Gezaghèber òf cu su apoderacion. Ademas no a puntra Conseho Insular (di antemano) pa su aprobacion tocante di e acuerdonan.

E acuerdo ta violá ley y reglamento riba un serie di punto, particularmente pa loke ta trata fiscalidad.

Por último, a realisá palabracionnan den e acuerdo tocante di ehercemento di competencianan (regulador) cu e Entidad Público (OLSE) no tin.

 

Pues posiblemente no por cumplí cu e palabracionnan aki y esaki ta trece un rísico (financiero) grandi pa OLSE cuné (teniendo cuenta cu exoneracion otorgá y garantianan).

Teniendo cuenta cu e interes económico grandi di e acuerdo entre Entidad Público Sint Eustatius y Nustar, Minister di BZK a expresá su disposicion pa asistí e Entidad Público cu conseho y experticio, pa restorá e defectonan legal cu a constatá, tanto den su contenido y tambe pa loke ta trata e  procedimento administrativo.

 

 

 

Top