Abogado Marije Vaders: Contrario na loke a keda publica, no tin cargo extra contra Minister Paul Croes

Despues di a tuma nota di publicacion cu lo tin cargo extra riba e mandatario, abogado mr. Marije Vaders a reacciona cu esaki no ta cuadra cu berdad.

E asunto di traficacion di hende, refiriendo n’e señora cu lo a ser haya n’e cas, no ta nada nobo.

Enberdad a haya un señora n’e cas di e famia, pero no tabata ilegal. E cuestion di “mensen smokkel” aki, a ser trese dilanti caba pa Ministerio publico for di 28 di maart fecha cu nan a haci entrada hudicial na cas di e mandatario.

 

Vocero di Ministerio Publico mes a confirmá esaki tambe, cu ta trata di e señora cu tabata na cas di e famia, cual ta cay bou di traficacion di hende.

Alabes abogado mr. Vaders a pidi tur hende pa tin poco pasenshi y laga investigacion sigi su curso.

Pronto lo yama un conferencia di prensa pa duna informacion di caso cu a causa hopi consternacion den e aña electoral aki.

 

Ta importante pa refuta e tipo di publicacionan aki, sin drenta of bay den mucho detayes di e caso mes cual ta bou investigacion y no trece noticia cu lo por perhudica e ultimo aki.

Leave a Reply

Top