Accidente cu hopi daño material y tres persona herida, riba e caminda prinicipal di Savaneta

Awe den oranan di madruga a sosode un accidente hopi serio riba e caminda prinicipal di Savaneta. Den accidente aki tabata uno hopi serio, cu heridos y hende pega den auto.

Mesora ta manda Polis, ambulance y materiaalwagen di Cuerpo di Bombero. N’e sitio nan ta bin compronde cu e chauffeur di un Toyota Corolla blanco no a duna un Mazda Blau cu tabata biniendo di pabou preferencia y a sali su dilanti.

E impacto tabata hopi fuerte, esaki a pone cu e auto blau a subi trottoir y a kibra un meter di awa, tambe e tres personanan den e Mazda Blau a keda levemente herida.

E chauffeur y e ocupante di e Toyota Corolla a keda pega den e auto y personal di Cuerpo di Bombero mester a corta parti di e auto p’asina nan por a sali.

Di e tres heridonan, dos a nenga tratamento medico di ambulance.

E caminda a keda pa basta rato sera pa mas investigacion y tambe pa D.O.W. por a basha santo riba e caminda.

Leave a Reply

Top