Accidente entre Nissan Almira y Toyota Yaris na Calabas

Diadomingo atardi, alrededor di 2:15pm, un accidente a sosode riba caminda di Kudawecha pa Jaburibari.

 

Net den e birada di Calabas un auto Nissan Almira A-10307 cu tabata bay direccion Jaburibari na dado momento a perde control di su stuur, bay links di caminda y dal den un Toyota Yaris A-46313 cu tabata bayendo direccion Kudawecha.

 

No tabatin hende herida pero a detene e chauffeur di e Nissan y hib’e Warda di Polis.

Segun un testigo, el a dal un otro auto na Palm Beach caba y core bay. E tabatin un mucha cu ne pero el a bay cas dor di un famia. Tur dos auto a haya basta daño.

Top