Accidente riba rotonde di Tanki Flip ta laga chauffeur herida

 

Diaranson marduga pa mas o menos 1:30, polis ta wordo notifica cu un auto a subi e rotonde di Tanki Leendert.
Mes ora un patruya a bay n’e sitio pa wak kiko a pasa.

 

For di un distancia patruya por a wak un auto ariba e rotonde.

Ora polis a yega nan a bay wak inmediatamente e estado di e chauffeur.

Debi n’e impacto e chauffeur a dal su nanishi y posiblemente lo a fractura esaki.

 

No ta mucho cla kiko por a pasa cu e chauffeur a subi completamente ariba e rotonde. Ambulans a wordo pidi y na yegada a opta pa transporta e chauffeur pa hospitaal pa haya atencion medico p’e golpi fuerte cu el a sufri.

Top