Aclaracion di DOW encuanto incidente na Seroe Crystal

Pa medio di e comunicado, aki Director y demas staff di maneho di DOW ta desea di disculpa nan mes n’e habitantenan di e bario di Seroe Crystal y pueblo di Aruba, p’e daño haci pa un contratista na Seroe Crystal.

 

Tur cos tabata un mal comprondemento cu un persona di hopi confiansa di DOW, cu a bay n’e sitio pa realisa un trabao pa un obra na un parti di e sero.

E intencion p’e obra mes tabata bon pero e forma con a ehecuta e parti di e trabao preliminar no a bay segun palabracion cu DOW.

 

Pesey mes DOW a asumi su responsabilidad y a duna instruccion di inmediato pa para e trabaonan y lo bay over di biaha na rehabilita e area efecta, cu mesun vegetacion cu ta crece n’e sitio aki y lo mantene esaki pa tres luna pa asina trece bek debidamente.

 

Un biaha mas DOW ta lamenta profundamente e sucedido.

Top