Addonsito & George ta presenta Voz di Kiniki Festival

Cu mas di 20 participante infantil y hubenil, Voz di Kiniki 2017 ta cla pa ser presenta.

Voz di Kiniki ta un festival di cancionnan original na Papiamento cu ritmo di merengue cu a nace 3 aña pasa na Trappers Club.

E di dos edicion tabata na 2016 na Cas di Cultura y awor pa di tres biaha e festival di merengue infantil/hubenil aki ta bay tuma lugar.

Cada participante ta competi cu un cancion nobo bailabel den nos idioma y ta ser permiti pa presenta cu maximo 4 bailado.

 

E lugar ta Cas di Cultura y e fecha ta diadomingo 30 di april 2017 pa 5:00 pm.

Lo saca ganadornan den tres categoria:  6 te cu 9 aña, 10 pa 13 aña y 14 pa 17 aña.

Ganadornan den pasado tabata: Xenon Orfao, Jadienne Croes, Emmanuel Blanco-Sanchez, Ishmael Dinter, Mia & Jeshua McCollum.

Un y tur ta ser cordialmente invita pa bin sostene nos muchanan durante di e tremendo festival di merengue 2017 Voz di Kiniki.

Mas informacion por yama Addonsito Croes of Tio George Winterdaal na 560-2626  of 561-6151.

 

 

Top