Ainda tin oportunidad pa inscribi diabierna y diasabra na RCA Arena, Powerade 8K Run & Funwalk

Pa tur esnan cu a paga caba na IBISA, nos ta warda bo cu bo recibo na RCA e fin di siman aki, diabierna atardi 5or pa 9or pa busca bo Shirt y #Tag of diasabra di 1or pa 5or.

P’esnan cu no a inscribi ainda, nos lo acepta inscripcion te ora yega 500 participante.

Actividad mes ta diadomingo, salida exactamente 6:30 am.

Sali dilanti entrada principal na RCA bay rotonde Tanki Leendert, rotonde Paradera, rotonde Sero Blanco, rotonde Piet, rotonde Ponton y bek na RCA Arena.

Animacion ta den man di MC Roberto Geerman, despues di careda tin un team profesional ta duna massage, tin fruta fresco y refreshments pa tur participante.

No keda afo di e sexto edicion di e popular caminata aki. Patrocina pa Powerade y organisa pa RCA cu cooperacion di IBISA y KPA.

Tambe nos lo tin e Harley Davidson Brigade cu lo yuda controla tur skina. Danki tambe na Fruteria Virgilio y Print Media Aruba.

Top