Al estilo Wild West The Ritz-Carlton, Aruba a celebra nan 1st Quarter Celebration

Recientemente, The Ritz-Carlton, Aruba a organisa un evento unico y inolvidable pa tur nan Damas y Cabayeronan cu a wordo nomina pa e celebracion di e prome kwartal di aña 2017.
The Ritz-Carlton ta organisa cada kwartal un evento cu ta yama “Five Star Celebration”, e evento aki ta pa celebra huntamente cu e Damas y Cabayeronan cu durante e kwartal a contribui cu un trabou excepcional y ehemplar pa e hotel.

E bunita celebracion a tuma lugar dia 28 di april na Villa Floralina, cu e tema unico y colorido ‘Wild West’. Den un atmosfera divertido e Damas y Cabayeronan cu a bay completamente cu tema y a bisti na cowboy y cowgirl a disfruta di un sabroso barbeque y a celebra nan merito.

Un pabien ta bay na e siguiente ganadornan cu a sobresali cu nan tremendo trabou durante e prome kwartal di aña:

Ganadornan Five Star
Denise Marulanda – Housekeeping
Mijail Bustos – Casino dealer
Carlos Garnica – BLT
Johmar Peterson – Front Office
Dave de Kort – Meeting and Events

Supervisor
Simone Pinzone – Banquets supervisor
Manager
Luis Malagon – BLT Steak.

Top