Andin Bikker di PDR na Alonso Tromp: Reunion di PDR lidera pa Alonso Tromp ta ilegal, siendo e actor di e cooperacion cu E Forza Nobo

Despues di a bolbe for di Hulanda su anochi anterior, ayera mr. Andin Bikker a tene un conferencia di prensa pa duna su banda di medaya pa loke t’e conflicto interno den Partido Democracia Real.

E activistanan di PDR, a reuni constantemente cu nan. Tabatin 2 reunion prome cu a firma e protocol di cooperacion den E Forza Nobo.

 

Di acuerdo cu Andin Bikker, ta Alonso Tromp mes a bin cu e idea, pa cual a pone e prome paso pa yega n’e plataforma di Forza Nobo. Kier men, e no por bin bisa cu e no tabata sa, no a wordo consulta, siendo e prome cu a pone e contactonan.

Pero como e no a haya su kier, esta for di awor caba kier a discuti numeracion riba lista di POR, unda e kier nr. 4 of 3, a pone Alonso Tromp rabia p’e bin actua manera el a haci.

 

Awor e grupo di 5, cu ta forma parti di e directiva nobo di PDR, di cual berdad tin algun di nan rabia, awor kier bin pretende di por eligi un directiva nobo, cu manera Bikker a declara anteriormente caba, nan ta ilegal.

Te awor aki, e directiva di PDR, ta consisti di Andin Bikker, di Edgar Arends, di su mama, y Ricky Quandt y awor 5 no-miembro kier haci un conmocion, Camara di Comercio no por tuma nan. Como tal ta nan mester bay Corte.

 

Alonso Tromp no tabatin siguranza ki number e lo a haya, a pone cu e relacion a perturba. Alonso Tromp a tuma nota cu varios ex candidato ta bolbe cu POR, a pone cambia di actitud y awor ta wordo dirigi pa opositornan.

Partidonan tradicional ta masha preocupa, mirando cu POR lo bira e siguiente forza politico, sigur ora nan tende di e otro candidatonan cu POR lo haya.

Na final di dia, t’e Forza Nobo, POR ta entrega un lista y PDR ta un di e sostenedornan.

 

Alonso Tromp be carefull what you wish for, Andin Bikker a manda bis’e, pasobra PDR debe Andin Bikker un cantidad di placa.

Si Alonso Tromp y su siguidornan kier asumi responsabilidad di debenan cu PDR tin, anto e ora por papia di tuma e partido.

Alonso Tromp a bay masha baho, pero Andin Bikker lo no baha na su nivel. Tin cierto coriente cu ta trata di apoya e actitud di Alonso Tromp.

E no ta di buena fe y pesey ta di lamenta cu su actitud a tuma e direccion robez aki. Alonso Tromp y su grupo ta actua totalmente ilegal. Si nan ta fuerte, Andin Bikker a recomenda nan pa bay Corte.

Top