Andin Bikker di POR: Prome Minister Mike Eman mester tabata na haltura, pero no a actua

Segun Andin Bikker di Partido POR, e Plataforma Forza Nobo, partimento di tereno di opcion ta un asunto cu Prome Minister Eman mester tabata na altura kico cu ta tumando lugar, for di hopi tempo caba, pero e no a actua.

Basicamente e ta ausente of falta di kier asumi responsabilidad ta haci cu e pais aki, desde juni 2014 ta sin gobernacion y señor Eman di e tempo ey ni ta bin Parlamento mas, segun Bikker.

 

Anto ora bo mester puntra bo mes, como pueblo votador, si den un ambiente caminda cu e gobernante aki, cu ta pidiendo confianza di pueblo atrobe, con como votador bo ta bay evalua si dune e confianza of no, si e tin bayendo pa tres aña minimo, cu no ta gobernando e pais aki?  Bikker a bisa cu pa colmo pasobra Mike Eman cu a goberna e pais financieramente iresponsable, nos a wordo imponi cu e CFT na augustus 2015 y aworaki e Gobierno ta riesgando pa wordo impone un Camara di Integridad.

 

El a sostene cu no solamente mester evalua pa pone e casonan cu su colega Oduber a trece dilanti cu prueba den man, na Ministerio Publico, pero seguramente e Gobierno di Reino Hulandes ta wak e cosnan aki hopi di serca, y como testigo mester wak Sint Maarten.

E culpable si algo asina tuma lugar aki ta netamente señor Mike Eman t’e culpable, pasobra e constantemente ta neglisha hopi asunto cu ta rekeri su atencion inmediato como Prome Minister, cu e ta kere cu si e ta hunga politica di avestruz y gewoon ignora cierto cos, nan lo resolve di nan mes”, Andin Bikker a bisa.

Top