Anochi di informacion pa studiantenan interesa pa studia na Niagara College Canada na Biblioteca Nacional

 

Diahuebs dia 16 di februari proximo Ministerio di Enseñansa conhuntamente cu representante di Niagara College lo tene un anochi di informacion pa tur studiante cu tin e interes pa studia na Niagara College na Ontario, Canada.

E anochi di informacion lo tuma luga na Biblioteca Nacional na Oranjestad y lo cuminsa pa 7’or di anochi.

 

Durante di e anochi di informacion lo duna informacion general riba studia na Canada y lo enfoca rib’e diferente programa di estudio cu Niagara College tin pa ofrece.

E anochi aki lo conta cu presencia di sr. Sean Coote, kende ta e Director International di Niagara College cu lo por contesta tur pregunta rib’e parti di admission, programanan di estudio y tambe facilidadnan cu Niagara College ta ofrece.

E anochi tambe lo conta cu algun profesional Arubiano, awo graduadonan di Niagara College cu ta bek na Aruba y cu lo comparti nan experencia di biba y studia na Canada y na Niagara College.

 

Tur studiante cu ta interesa pa bay studia na e College aki na Canada ta keda cordialmente invita pa e anochi di informacion. Durante di e anochi di informacion lo duna tur e informacion relevante cu studiantenan tin mester pa por bay studia na Canada y specificamente na Niagara College y tambe lo tin espacio pa pregunta.

E anochi di informacion lo tuma luga diahuebs dia 16 di februari cuminsando pa 7’or di anochi na Biblioteca Nacional Aruba.

Top