Apesar di tur critica cu por tin Polis ta sigui haci bon trabao, kitando arma y droga for di caminda

Diaranson anochi, mester bisa y admiti cu Polis apesar di tur critica cu por tin cu no tin un combatimento eficiente di criminalidad, Polis a bolbe haci un bon trabao.

T’asina cu diarazon anochi Polis a sa di kita arma y droga fo’i caminda y hincando nan propio bida na peliger.

 

Di acuerdo cu vocero interio di Polis, sra. Liliana Rasmijn pa mas o menos 11:30 di diarazon anochi patruya di Playa ta para un Toyota Yaris color shinishi numera A-22531 na altura di Misa di Playa  pa un control.

Den e auto ta tin tres hende homber. Durante e control Polis ta haya holor di marihuana. Na un dado momento e chauffeur ta pusha e porta di auto y sali na careda.

 

A cuminsa un persecucion na pia na unda a drenta den un hanchi na altura di un refresceria cu no ta tin salida.

Na dado momento un Polis a cay y e sospechoso a haci un movecion di saca algo na banda di su heup y eynan e Polis a saca su arma y a tira un tiro di advertencia.

E sospechoso a tira e obheto riba un dak.

 

Polis despues ta bay over na detene, pero e no a bay facil pasobra e sospechoso a keda bringa su detencion. E sospechoso ta un conoci di Polis, kende un aña pasa na luna di october a wordo deteni pa posicion di arma di candela caba.

E sospechoso conhuntamente cu e otro dosnan cu tabata den e auto cu a wordo deteni hiba Warda di Polis di Playa di biaha.

 

N’e sitio di e susedido a yega BFTO y Departamento di Recherché unda a bin bay controla riba e dak y a bin topa cu un revolver cu bala aden.

Loke a wordo tuma den beslag ta droga (cocaine), dos cuchiu, placa y auto. Departamento di Droga tambe a wordo notifica.

Tremendo trabao di Polisnan cu a sa di kita un arma y droga fo’i di riba caya.

 

Despues cu pueblo a tende esaki, e opinion ta, cu Polis sa cu situacion a cambia na Aruba, cu no por confia ningun hende mas. Pa den future, no los tiro di advertencia, pero mas bien dirigi. Asina tur hende lo sa cu Aruba ta combati criminalidad cu man fuerte.

Pero Cuerpo Policial Aruba ta para pa Servicio Integridad y Seguridad…

 

 

Top