Archivo Nacional Aruba ta invita henter pueblo di Aruba pa su EXPO 2017 combina cu un celebracion cultural

Diasabra 18 di maart 2017 Archivo Nacional Aruba ta presenta su tradicional exposicion y celebracion cu cada aña ta mas bishita.

E aña aki a scoge un tema interesante pa un y tur, unda lo presenta e diferente descendencia-y/of origennan y segun e respectivo periodonan di desaroyo y di inmigracion aki na Aruba y cu hunto a forma nos comunidad y e Arubiano.

 

E exposicion titula: “Aruba, ta nos tur!” banda di ta un recuento di e desaroyo migratorio cu a tuma lugar aki na Aruba, ta un homenahe na nos hendenan y nos antepasado cu hunto a conforma un comunidad y a lucha pa hiba Aruba dilanti.

Un recuento desde epoca di Indjannan te na Aruba di awendia. Reflehando asina e historia y cultura di nos pueblo.

No laga nan contabo, bin mira p’abo mes con Aruba tabata bin ta cambiando segun tempo tabata bay pasando.

Nos kier a extende un cordial invitacion na henter nos comunidad pa bin celebra den grandi cu nos, nos dia di Himno y Bandera den un ambiente dushi cultural, unda lo bay tin tentnan bendiendo nos dushi cumindanan crioyo, cos dushi, bolo, buki, obranan di man y sin duda bar bon surti pa refresca e garganta.

Nos ta wardabo, sin falta na Archivo Nacional Aruba, diasabra 18 di maart 2017 for di 9or di mainta te cu 6or di atardi.

Diasabra 18 di maart Aruba lo ta di paseo c’un compromiso cu nos na Archivo Nacional Aruba.

 

 

 

Top