Ariba diadomingo prome di oktober ultimo – Aruba Reef Care a logra otro exitoso acción di limpiesa

E team di Aruba Reef Care Foundation a logra termina cu otro exitoso accion di limpiesa di nos lama y beachnan.

E evento ta organiza anualmente y encabeza pa Castro Perez, Byron Boekhoudt, y un team grandi di voluntario cu ta yuda coordina e evento.

E aña aki a fungi como Project Coordinator tabata Veronica Perez, cu a hasi un tremendo trabou door di comunica via e-mail y telefoon cu e hotelnan y restaurants. Veronica a zorg pa registra voluntarionan tambe.

 

E otro voluntarionan cu a yuda cordina e accion di limpiesa e aña aki tabata Randy Maduro y Ludwig Rasmijn di DLVV Santa Rosa di parti gobierno tabata Haime Fingal, Francis Curiel diDTI, y di Departamento di Cultura a yuda Maria Ridderstap y Afranina Henriquez.

Como pensionado a yuda Geogrey Ho-Asjoe.

 

E aña aki atrobe hopi sushi a keda colecta rond henter Aruba, for di tras di Faro California, Arashi, Malmok, Palm Beach, Beach di Tamarijn bay te na ex Bushiri Resort.

For di Wilhelmina Park bay pa Neptali Henriquez Park, e area rond di Surfside beach, Marina Pirata pa Mangel Halto, Isla di Oro, Santo Largo, Rogers Beach, Baby Beach, Santana di Cacho, Grape Field, Boca Grandi y Rincon te na Cero Colorado.

 

Tabatin mas di 600 participante registra, cu a forma 35 grupo na mas di 36 localidad, y tur tabata visibel tur caminda den nan t-shirt colorido patronisa door di ATA.

Tur participante tambe a haya lunch box y bebida refrescante, cortesia di hotel y restaurantnan cu a sponsor e evento.

 

Despues di e accion di limpiesa a tene un ceremonia di aprecio unda cada voluntario a ricibi un certificado y por a participa na varios premio pa cortesia di sponsornan generoso.

Organisadornan ta gradici tur voluntario cu a yuda, como tambe e sponsornan principal manera ATA, Mourik NV, Total Services, RBC Royal Bank, DLVV Santa Rosa, Serlimar, Centro di Pesca Hadicurari, Vissers Trading, Mayoria di Hotelnan, Restaurantnan, Companianan di watersports, Neptali Henriquez Park y otronan.

Sin nan contribucion e evento no por tabata exitoso.

 

Leave a Reply

Top