Artículonan duradero pa víctimanan di orcan di Statia a yega

Recientemente artículonan duradero pa yuda víctimanan di orcannan Irma y Maria na Sint Eustatius a yega: E unidad di Asuntonan Social  (SZW) ta cuminsá cu distribucion di e artículonan (frishidaire, cama, van y stove) den e di dos siman di novèmber n’esnan cu ya a terminá e proceso di peticion. E unidad di SZW ta ehecutá e distribucion.
E unidad di Asuntonan Social y di Trabao (SZW) ta reconocé e necesidadnan di e habitantenan di Saba y Sint Eustatius despues di e orcannan Irma y Maria, y a expandé su provisionnan mas tanto posibel denter di e límitenan di e ley.

P’esey a bin cu provisionnan special. Un di e provisionnan special t’e procesamento rápido di peticionnan pa artículonan duradero.

Pa auxiliá personanan afectá dor di e orcannan, SZW a aumentá su criterio di suèldo mínimo te un biaha y mei e suèldo mínimo.

A expand’é e lista di artículonan duradero awor tambe cu muebelnan di comedor y di sala, klechi di cama y cusinchi pa famianan cu a pèrdè tur cos.

Dor di e adaptacion aki mas persona na Saba y Sint Eustatius por a calificá p’e asistencia di emergencia.

E proceso pa haci peticion ta sera 31 di decèmber. Aworakí SZW ta haci excepcion particularmente pa personanan cu no tabata riba e isla.

Leave a Reply

Top