Artista Arubiano invita pa performance na Rotterdam

E artista internacional Arubiano, Gustave Nouel, ta artista invita especial na e conferencia internacional ‘Divercity’ financia pa EU y organisa pa e Universidad di Utrecht.
Diahuebs 9 di februari 2017 e Arubiano lo por mustra algun di su Arte (inspira pa Cultura Arubiano) y como live performance, e lo traha karikatura y quicksketches di e publico presente. Tur esaki, durante un mini-festival di e conferencia di ‘Diversidad’ den e famoso Congrescentrum Internacional De Doelen na Rotterdam.
E organisadornan di e proyecto cu apoyo di EU, parce hopi contento cu participacion di e artista Arubiano conoci y hasta a laga imprimi tasnan especial pa e conferencia internacional aki, cu un caricatura di Nouel.
E conferencia ‘Divercity’ aki na Rotterdam, organisa pa Anouk Tersteeg y Gideon Bolt, di un Equipo internacional di investigacion Europeo, ta parti di un proyecto bou di guia di Universidad di Utrecht, tocante con cuidadnan por probecha optimalmente di integracion y diversidad.

Top