Aruba Bank a entrega Jairzinho Boekhoudt su premio como ganador di e quiz “Con Arubiano bo ta?”

Mas di 3500 persona a participa na un Facebook quiz organisa pa Aruba Bank pa celebracion di Dia di Himno y Bandera durante di e siman di festividad.
Entre tur participante Aruba Bank a rifa un Safari Trip di 7 ora, pa 4 persona, cu ta inclui diferente parada dibertido y interesante.
E ganador, Jairzinho Boekhoudt a ricibi su premio for di Nelleke Cardenas, Marketing Officer diabierna mainta na Aruba Bank Camacuri.

Aruba Bank a puntra “Con Arubiano bo ta?” y cu e pregunta a capta hopi atencion, hopi participante a “share” e quiz cu nan friends riba Facebook, y a intercambia tocante di nan contestanan y nan “score”.
Como ganador di e premio, Jairzinho y tres invitado lo disfruta di un “Baby Beach Land Rover Safari” cu ta inclui parada na Ostrich Farm, Ayo Rock Formation, Donkey Sanctuary, Black Stone Beach, e cuebanan den Parke Nacional Arikok, y un bishita na Baby Beach.

Pa 7 ora nan lo trip rond Aruba estilo di “Turista-riba-mi-isla”, y gosa di un dia fabuloso.
Aruba Bank ta gradici tur participante n’e quiz, y ta desea Jairzinho Boekhoudt y su invitadonan un dushi trip.

Top