Aruba Bank Good4theNeighborhood Building Entrepreneurs lo inicia dialuna

E aña aki un biaha mas Aruba Bank tin su proyecto di Good4theNeighborhood Building Entrepreneurs y ta organisando esaki pa di 8 aña consecutivo. Aruba Bank conhuntamente cu Global Shapers ta cla pa cuminsa cu e proyecto y ta completamente entusiasma.

Dialuna 17 di juli desde 8:00AM te cu 12:00PM e proyecto Good4theNeighborhood lo inicia, unda cu tin un total di 50 studiante participante.

 

E programa lo dura 3 siman, unda cu e studiantenan lo tin cu cumpli cu diferente tarea manera traha den team, time management y hopi mas. Studiantenan ta haya e oportunidad di bira doño di nan propio negoshi durante Good4theNeighborhood Building Entrepreneurs 2017.

 

Aruba Bank ta recorda tur participante cu e programa Good4theNeighborhood Building Entrepreneurs lo tuma luga na Aruba Bank Camacuri y durante e programa lo tin presente diferente orador den e mundo di negoshi. E participantenan lo ricibi programa semanal unda cu nan lo mester ta presente durante e curso y tayernan.

 

Bo por cera conoci cu mas di e participantenan rib’e page di Good4theNeighborhood: https://g4n.arubabank.com.

Top