Aruba Bank orguyoso pa desaroya hoben entrepreneurs: Good4theNeighborhood un Exito Rotundo!

Aruba Bank su proyecto di Good4theNeighborhood a yega su final, unda cu cuarenta (40) hoben a pone den practica locual nan a siña di “entrepreneurship” durante 3 siman. Aruba Bank a logra su meta di duna e hobennan e “toolsnan” necesario pa por bira entrepreneursnan exitoso.

 

Desde inicio e hobennan tabata entusiasma pa participa y pa siña con pa bira un entrepreneur.

E participantenan ta Nayelle Arends, Jayden Oduber, Terentius Daly, Volcy Gonzales, Dana Wong, Gianella Ras, Deyanira Roch, Isabella Anthony, Wid Cherly St. Germain, Daysiree Bennett, Brandon Gordon, Mariel Willems, Jeremiah James, Joshua v/d Biezen, Kayla Cummings, Emily Labasti, Jay Zievinger, Erica Jaramillo, Biantella Hayes, Dignairy de Vos, Kiandra Jaramillo, Elaiza Webb, Nathan Maduro, Julien Vasquez, Lobiken Volcy, Suendly Thielman, David Garcia, Morgan Meulens, Daniel Geerman, Akasha Geerman, Terrans Solognier, Estelle Pisas, Rienne Roch, Nalliyah Willems y Patricia van Trikt.

 

E ekiponan a crea e siguiente negoshinan:

Ur designs: pre-printed shirts cu chens pa personalisacion;

Arunola: granola bars cu sabor local;

Dilmar’s sweet treats: “home-made” cheesecake y upside down peach cake;

ARU scents: belanan natural traha na cas;

Culture variety posters: posters cu imagennan y quotes di Aruba;

Artwood: arte traha cu pallet;

Quezza: combinacion di quesadilla y pizza;

Marbled mugs: Diseño di mugs cu marble traha na man.

 

Diasabra den e centro comercial di nos isla, Oranjestad, a saca e ganado di e proyecto Good4theNeighborhood unda cu publico por a mira e ehecucion y e programa.

E evento a tuma luga rib’e parkeerplaats di La Linda. Un publico grandi tabata presente di cual tabata sumamente impresiona cu e trabounan cu e hobennan a haci y con leu nan a yega.

E ganado di e proyecto Good4theNeighborhood 2017 tabata team AruNola y esun cu a keda na di dos luga tabata team Quezza.

 

Aruba Bank a gradici tur participante y comerciantenan manera Aruba Aloe, E.E. Ventures, Yabi, Mancave Barbershop y instancianan Kamer van Koophandel y Universidad di Aruba cu a yuda duna e tayernan pa sigui cu e exitoso Good4theNeighborhood.

Tambe un danki na La Linda y The Vault pa brinda e espacio p’e studiantenan. Un sigur un danki tambe ta bay na Global Shapers Oranjestad. Aruba Bank ta recorda hobennan pa keda pendiente pa Good4theNeighborhood 2018!

Leave a Reply

Top