Aruba Bank ta desea Julitsa Franken hopi exito na Nederlandse Biologie Olympiade

Aruba Bank ta orguyoso di a keda invita pa contribui na un faceta di desaroyo intelectual di hobennan Arubano como sponsor di participacion di Colegio Arubano na Nederlandse Biologie Olympiade.

 

A yega e grato noticia cu e hoben Julitsa Franken a pasa pa e di dos buelta di e competencia, y lo ta biahando pa Hulanda pa un dia di preparacion pa e 100 miho alumnonan di e Nederlandse Biologie Olympiade cu ta tuma luga na Universidad di Utrecht.

E studiante di Colegio Arubano ta e unico hoben bibando pafo di Hulanda cu ta competi den e di dos buelta di e competencia entre mas cu 20 mil participante, den dos categoria.

 

Biologie Olympiade ta e competencia di biologia mas grandi pa studiante, y a conta e aña aki cu mas cu 11000 participa te di e klasnan halto den e categoria Nederlandse Biologie Olympiade (NBO) y mas cu 8000 studiante di klas VWO 3 den e categoria BOJ, Biologie Olympiade Junior.

Esaki ta e di tres aña cu Colegio Arubano ta participa den e categoria BOJ, cual ta pa studiantenan di VWO 3, y aña pasa a participa pa prome biaha na e NBO cu studiantenan di VWO 5 y VWO 6. E Olympiade di Biologie a bira na Hulanda caba un tradicion pa enseñansa secundario.

 

Entre miles di participante Julitsa a sali den e Top 100 den e competencia, y consecuentemente ta pasa pa e di dos buelta. Pa prepara pa e di dos buelta e mester viaha pa Hulanda pa atende un dia di preparacion cu tur studiante na Universiteit Utrecht.

Aruba Bank ta desea Julitsa hopi exito, y ta pendiente di su desaroyo den e parti crucial aki di Nederlandse Biologie Olympiade.

Top