Aruba Bank ta haci donacion di AWG.25,000.00 na Cruz Cora

Alabes a ofrece opcionnan pa ricibi donacion via nan Online, Mobile y Text Banking

 

Durante di un bishita di cortesia pa miembronan di Hunta di Supervision di Cruz Cora Aruba cu a consisti di sres. Stephen Daal, Hans Ruiter, Fons Essed, y sra. Tamara Waldron, a ricibi un check cu e bunita suma di AWG.25,000.00 for di Directornan di Aruba Bank N.V., sra. Sharon Frankel-de Cuba y sr. Michiel Helfrich.

 

Teniendo cuenta cu Cruz Cora Aruba ta depende primordialmente di donacion y trabou di boluntario local pa por duna e sosten den momentonan di crisis humanitario, e banco pionero di Aruba a aporta n’e esfuersonan di e instancia alabes creando un pagina dedica na #RedCrossAruba via www.arubabank.com p’asina tur cliente por ricibi mas informacion con pa haci nan donacion via Online Banking, Mobile Banking, y Text Banking riba cuenta di Cruz Cora 038.401.0390

 

Aruba Bank su compromiso ta pa semper yuda unda ta necesario pa duna sosten na clientenan y comunidad en general pa nan prospera.

Den cuadro di e impacto di e desasternan natural cu a tuma lugar den ultimo tempo y e rol importante di Cruz Cora Aruba (Red Cross Aruba) na St. Maarten, Aruba Bank a scoge pa sigui sostene dicho organisacion y e bunita trabou di nos heroenan local.

Top