Aruba Bootcamp a wordo sera pa proteccion y seguridad di e hobennan

Corte a dicta cu e controversial Aruba Bootcamp mester wordo sera pa proteccion y seguridad di e hobennan. Esaki despues cu varios keho alarmante di abuso den e campamento a bin den claridad.

 

For di 2014, e campamento a wordo forma cu e fin di cuida, guia y educa hobennan entre 10 pa 22 aña di edad. Pero na 2015, e campamento a bira e blanco di critica despues cu comentario y yamadanan a cuminsa drenta tocante abuso tumando lugar contra e hobennan.

Kehonan tabata varia entre e estado anti-higienico cu e hobennan tabata bibando den dj’e, maltrato fisico y emocional, y falta di cuido y alimento adecua.

 

E Director di Aruba Bootcamp, Gilbert Webb ta haya cu no tabatin derecho pa sera su campamento y a exigi compensacion.

Corte di otro banda a rechasa esaki, mirando e cantidad di prueba di abuso cu tin contra e campamento y e propio Gilbert Webb.

Top