“Aruba Delight” stand di Rotaract Club of Aruba na Fiesta Rotaria un bes mas un exito rotundo

Rotaract Club of Aruba ta sumamente satisfecho cu presencia na Fiesta Rotaria e aña aki.

Esaki ta di gradici na e gran teamwork cu tin entre miebronan, boluntarionan, pero tambe e cooperacion di sponsornan. Manera ta custumber, Rotary Club of Aruba a tene su feria anual, esta e famoso Fiesta Rotaria diadomingo ultimo, 2 di april na Compleho Deportivo Guillermo Trinidad na Dakota.

 

Rotaract Club of Aruba pa añas caba tambe ta forma parti na fiesta Rotaria cu e stand di “Aruba Delight”. Por medio di benta di diferente snack conoci riba nos isla, Rotaract Club of Aruba ta recauda fondo cu ta hacie posibel pa ehucuta varios proyectonan durante aña.

 

Bishitantenan na feria a disfruta di dushi snacks manera pastechi, kroket, sanger yena, pan cu sate, pan cu hamburger, sin laga afo e dushi sopi carni y sopi oester.

Ademas, tabatin un gran variedad di bolo dushi y otro cos dushinan. Esnan presente a gosa tambe di e famoso batido di fruta fresco, awa di lamunchi y coffee cu Rotaract tin tur aña pa ofrece.

Leave a Reply

Top