Aruba Doet 2017 – Un exito total!

 

E evento boluntario mas grandi na Aruba organisa pa CEDE Aruba hunto cu Oranje Fonds a tuma lugar diabierna 10 y diasabra 11 di maart 2017.

Mas di 3500 boluntario a duna un man na diferente organisacion social pa completa 199 proyecto den un weekend!

Un exito total y record nobo pa Aruba! Den Reino 10.137 proyecto a keda completa durante e weekend ultimo.

 

E apertura oficial di Aruba Doet 2017 a tuma lugar diabierna ultimo na Huize Maris Stella. Esaki a wordo haci por medio di un conferencia di prensa y di un manera simbolico dor di Gobernador di Aruba sr. Alfonso Boekhoudt, sres. Remo Kock, Director di SABA y Daniel Tecklenborg, Director di CEDE Aruba.

Durante henter e weekend por a experencia proyectonan cu tabata andando full rond di nos isla. A clausura Aruba Doet 2017 cu un celebracion pa tur hende cu a duna un man cu e evento boluntario aki.

 

Den nomber di directiva di CEDE Aruba, team CEDE Aruba y Aruba Doet nan kier gradici tur boluntario, organisacion social, embahador, partner comercial (Dijtham, Arvefa, CERD, Serlimar, Fantastic Gardens, Kooyman, WEMA, Ecotech, Super Food, Flora, PPG Paints, Double Happy Hardware Store), prensa y sponsornan (Casibari Café, Frasa, Bright Bakery) cu a haci Aruba Doet 2017 un exito rotundo! Masha masha danki!

 

Nos ta spera di topa boso un biaha mas den e siguiente edicion di Aruba Doet cu lo tuma lugar riba diabierna 9 y diasabra 10 di maart 2018! Nos ta ON, Abo tambe?

 

 

 

Leave a Reply

Top