Aruba Domino Bond lo celebra nos dia nacional Himno y Bandera cuminsando diabierna awor

E aña aki Aruba Domino Bond lo celebra nos dia nacional Himno y Bandera un toke diferente y mas largo.

E federacion lo organisa e prome rond di e torneo cuminsando diabierna awor 10 di maart cu tres tremendo wega.

Pa su mañan diasabra e weganan lo continua mientras diadomingo dia 12 di maart lo termina e rondnan pre-eliminar.

 

Su siguiente siman, esta 17 di maart lo inicia cu e kruisfinale, mientras cu 19 di maart lo hunga e gran final como tambe p’e di 3 y 4 lugar.

E cas di domino p’e celebracion aki lo bira Centro di Bario y Deporte Dakota. Aki tur e mihor hungadornan den e deporte di domino lo topa otro unda piedra lo wordo bati pa na final saca e ekipo triufador di e torneo Himno y Bandera.

 

Aruba Domino Bond ta un federacion cu ta organisa nan campeonato di domino tur aña y semper a clausura esaki den gran forma.

Mas cu claro Aruba su representacion internacional tambe tey unda nos yega di bay cu e titulo maximo como e mihornan di mundo den e deporte aki.

Un danki sigur na Lotto, e Loteria di Aruba pa medio di Comision di Subsidio cu a subsidia e torneo pa Himno y Bandera organisa pa Aruba Domino Bond.

Top