Aruba Domino Bond lo inicia su campeonato 2017 diabierna awor cu 9 ekipo participante

Despues di un exitoso torneo individual den club di SportBoys na Angochi celebrando Individual Copa Rey 2017, Federacion di Domino, Aruba Domino Bond ta cla pa ranca sali cu nan campeonato 2017.

Un total di 9 ekipo a inscribi p’e campeonato aki, nan ta: Bubali DT, Goldstone DT, Noordstars DT, Old Parr DT, Ottleys DT, Sport Boys DT, Scorpio DT, Trappers DT y Extreme DT.

 

Aña pasa den e campeonato di 2016 a keda como e campeonnan absoluto, e ekipo di Noordstars “Pizza Hut” Domino Team sigui p’e legendario ekipo di Old Parr Domino Team, na di tres lugar nos a haya Ottley’s Domino Team y na di 4 lugar, e ekipo di Xtreme Domino Team.

Mas cu claro e ekiponan aki tur lo bin defende nan posicion, mientras otronan lo traha duro pa subi di posicion.

 

E ceremonia di apertura di e campeonato di domino lo ta diabierna awor na compleho di Riverplate na Playa Pabou y ta cuminsa pa 7.30 di anochi.

Aruba Domino Bond ta spera  un y tur presente p’asina duna inicio n’e campeonato di domino 2017.

Top