Aruba Gateway: E plataforma nobo di e-commerce na Aruba

Durante e evento di E-Aruba Business Seminar cu a tuma lugar diasabra ultimo, a presenta e beta version di e  plataforma online, Aruba Gateway. E plataforma aki a wordo diseña pa crea un “one stop shop” pa tur e servicionan di negoshi cu ta wordo ofreci na Aruba, p.e. accounting, tax, law, design y marketing services.

Aruba ta un di e lidernan den Caribe den loke ta toca turismo y consultanan di negoshi.

P’e motibo aki, Aruba tin e oportunidad di ofrece su rikesa di experiencia y conocimiento full rond di mundo.

 

Aruba Gateway kier yuda negoshinan local y internacional pa mehora y crece nan business dor di link nan cu nos profesionalnan aki na Aruba. Esaki no solamente lo yuda nos profesionalnan local, pero tambe por contribui na creacion di un di tres pilar economico na Aruba cual t’e “knowledge economy”.

E meta riba termino largo ta pa haci Aruba Gateway un hub pa loke ta trata licensing di diferente producto inovativo y sostenibel cu ta wordo fabrica den pais nan mas desaroya.

 

Pais nan manera USA, Europa, Israel y Japon tin hopi negoshi mediano y chikito cu a desaroya productonan inovativo, pero ainda no a haya un aceptacion grandi den Caribe y Latino America. Esaki ta netamente e oportunidad cu nos na Aruba por focus riba dje dor cu nos tin e bentaha di ta multi-lingual, multi-cultural, nos localidad geographico y nos focus pa bira un showcase pa tecnologianan berde.

 

Riba termino corto Aruba Gateway kier traha hunto cu tur e negoshinan grandi y chikito na Aruba pa yuda nan bira “export ready”.

Aruba Gateway ta ofrece negoshinan local e guia pa mehora nan negoshi y tambe ta ofrece servicio di web development, e-commerce, social media, online chat, online advertising y marketing.

Aruba Gateway ta ofrece e oportunidad pa tur hende cu kier traha nan mesun (e-commerce) website por haci esaki facilmente.

Simplemente bay riba www.arubagateway.com/start y scoge un di e formatonan cu bo gusta mas; edit esaki na bo gusto y publish e online. Bo website of e-shop por ta online den menos cu 5 minuut.

 

P’e prome 100 cliente cu sign up tin un deal special na cual e prome aña e website builder aki ta completamente gratis ora di usa e coupon code “100%OFF” riba e checkout page.

Ideanan cu por wordo traha pa Aruba cual ta inclui e-commerce ta, p.e. online music store, online grocery store, online pharmacy, online consultancy, online reservations pa apartamento y asina tin hopi mas.

Pa mas informacion por tuma contact cu nos via nos website www.arubagateway.com of manda un email pa info@arubagateway.com

Top