Aruba Marine Life Lecture series ta sigui cu charla di

Diaranson awor ta sigui cu e serie di lectura tocante di bida marino di Aruba, organisa pa Aruba Reef Care Foundation. Biblioteca Nacional di Aruba ta pone su sala disponibel 7:15 diaranson awor 12 di april, p’asina Sietske van der Wal, biologo marino asocia cu TurtugAruba lo papia di turtuganan marino di Aruba.

 

Aruba Marine Life Lecture Series:

Aruba Reef Care Foundation cu e serie di lecturanan pa 2017, ya a presenta uno tocante di Lionfish 2 siman atras cu e prome orador invita tabata Gian Nunes cu a papia di Lionfish. Lo sigui 12 di april awor Sietske van der Wal di Turtuga Aruba cu lo papia di turtuganan arino di Aruba. Na 26 di april lo toca turno na Miranda van Breugel studiante di Universidad di Groningen cu lo amplia riba especienan di tribon y raya di Aruba.

Lo sigui 10 di mei 2017 cu un charla door di Angiolina Henriquez di Aruba Marine Mammal Foundation, tocante delfin y bayena na Aruba.

 

TurtugAruba:

Turtugaruba ya pa decadas ta concientisa comunidad di e importancia di enforsa e ley di proteccion di turtuga. Alabes ta activamente lidera e proteccion di neishinan riba nos beachnan tur aña como tambe ta conduci investigacion, coopera cu instancianan local y internacional, com tambe representa Aruba na conferencianan internacional riba e tema. Durante di e presentacion audiovisual lo ilustra e trabou y visionnan pa loke ta proteccion di turtuga.

 

Hopi informacion pa publico:

Na final di cada charla tin oportunidad di haci pregunta y cualnena a ser contesta dor di e experto presente. E charlanan ta un oportunidad pa amplia conocemento en general pero tambe ta forma un punto pa studiantenan haya mas interes den topiconan pa estudio y proyectonan. E charla ta cuminsa pa 7:15 na Sala Diamante na Biblioteca Nacional na George Maduro Straat y entrada ta completamente gratis.

Top