Aruba Marriott CARE Foundation hopi activo cu actonan di caridad pa nos comunidad

Aruba Marriott CARE Foundation recientemente a organisa un atardi caritativo riba dia di San Valentino unda miembronan di Aruba Marriott CARE Foundation a bishita e casnan di anciano; San Pedro na Playa, Huize Maris Stella na Savaneta y Centro di Cuido na San Nicolas, p’asina parti cupcakes di San Valentino pa e residentenan.

 

E boluntarionan ta miembronan di Aruba Marriott CARE Foundation kendenan ta empleadonan di Aruba Marriott Resort & Stellaris Casino, Marriott’s Aruba Ocean Club y Marriott’s Aruba Surf Club cu a yuda durante nan ora di trabao y a logra parti 300 cupcakes.

E boluntarionan a laga sa di ta sinti hopi bon y contento di por ta parti di e actividad aki dor di pasa un rato ameno cu nos grandinan y di por yuda comunidad di Aruba. Un gradicimento special na All Starz Tours pa a sostene e iniciativa aki dor di ofrece transportacion por nada na e boluntarionan.

 

Sigientemente dia 23 di februari 2017, miembronan di Aruba Marriott CARE Foundation hunto cu empleoadonan di Aruba Marriott Resort & Stellaris Casino, Marriott’s Aruba Ocean Club y Marriott’s Aruba Surf Club y AHATA a tuma un mainta p’asina haci un “neighborhood clean-up” den e bario di Seroe Janchi cerca di e dam. E area aki tabata hopi sushi pero a logra haci esaki limpi acumulando full un container di 20 pia di sushi y tambe mas di 30 taira.

 

Ademas di limpiesa, Aruba Marriott CARE Foundation ta brinda asistencia na fundacionnan y organisacionnan den nos comunidad por medio di verf y renoba sedenan y ta hasta haci gestonan special manera esun di dia di San Valentino.

Leave a Reply

Top