Aruba Oranjestad y Doral City na Florida a bira ciudad ruman

Departamento di Asuntonan Economico, Comercio y Industria (DEZHI) y su unit Exprodesk, hunto cu Camara di Comercio, ATIA, ARINA y Free Zone Aruba, tabatin recientemente un reunion fructifero cu Desaroyadornan Economico for di e Ciudad di Doral, sr. Manuel Pila y sr. Alex Tejerizo den cuadro di un acuerdo di ‘Sister Cities’ entre Aruba y Doral.

 

Bou di e concepto di Sister City a inicia e “Aruba House” dor di e organisacion sin fin di lucro, Oranjestad-Aruba Sister Cities Association (OASCA).

OASCA ta situa na e Ciudad di Doral cu tabata e prome ciudad pa firma un acuerdo di ‘Sister Citiescu Oranjestad, Aruba na 2016.

 

Esaki ta un ‘Aruban Citizen Diplomacy Program’ cu ta iniciativa di sr. Ralph Romson y un grupo arubiano, incluyendo sr. Johnny Scharbaay (co-fundado), y ancra den e rrganisacion di ‘Sister Cities’ na Washington DC.

 

E meta di e proyecto ta pa cordina y conecta tur sector di e comunidadnan di Aruba y Doral riba tereno entre otro di comercio, educacion, turismo, innovacion, desaroyo sostenibel, deporte, arte, cultura y musica.

 

E mision di OASCA ta pa crea un plataforma internacional cu lo lansa talento, producto y ideanan Arubiano den e mercado Americano.

Pa ilustra esaki, DEZHI, pa medio di su unit Exprodesk, den colaboracion cu e radio ‘WDNA (88.9 FM)’ di MIAMI, pa medio di e acuerdo di ‘Sister Cities’, a logra cu e produccion di 5 Artista Arubiano, kendenan ta Claudius Philips, Cesar Olarte, Giendrick Boekhoudt (T-drick), Genard Mohamed (Karixon) y Roderick Franken (Rocco/Buleria) a wordo presenta na WDNA (88.9 FM).

‘WDNA (88.9 FM)’ su Programa ‘Global Gumbo’ ta ser scucha tur diadomingo di 4’or pa 6’or di atardi den henter South Florida y mundo completo via www.wdna.org.

 

Por download e proyecto y e ‘Sister Cities Agreement’ na www.exprodesk.com.

Pa mas informacion por bishita e Facebook page di ‘Aruba House’.

Leave a Reply

Top