Aruba Softball Bond ta anucia 12 di Mei e gran apertura di campeonato 2017

Aruba Softball Bond kier recorda tur su miembronan cu e gran apertura di campeonato di softball lo tuma lugar diabierna 12 di mei próximo.

ASB ta pidi tur ekipo pa cuminsa prepara pa e dia aki nan ta completo cu ful ekipo na veld.

 

Tanto masculino AA y A-klas y femenino AA. Lo bay tin un ceremonia di apertura unda equiponan lo desfila. Ta pidi tur ekipo presenta cu un madrina. Lo scoge un madrina di aña 2017, kende lo representa ASB henter e aña kende alaves na final di campeonato lo mester ta presente pa entregamento di premio.

 

Tambe lo bay tin un premio pa ekipo mihor uniforma. Pues uniform mester ta completo pechi camiseta Carson faha, etc. Lo dedica e campeonato aki na dos persona cual lo wordo anucia dentro di poko den prensa hunto cu nan cv. E mesun dia aki lo decreta oficialmente e gran apertura di campeonato 2017 unda lo bay tin 2 wega.

 

Dia 9 di mei cuminsando pa 7:15pm den Trappers Club lo bay tin un reunión cu tur ekiponan pa repasa Reglamento di Campeonato. E dia aki ekiponan mester entrega nan lista oficial compaña cu Afl. 200 competitiegeld. Ta pidi tur ekipo manda 2 representante.

Campeonato oficial ta cla pa ranca sali y e competencia ta mustra di lo bira uno fuerte y hopi competitivo. Éxito na tur ekipo.

Top