Aruba Sport Unie ta organisa Girls and Women Sport and Health Day

Aruba Sport Unie pa prome biaha ta bay organisa en conexion cu Dia Internacional di Hende Muhe un Girls and Women Sport and Health Day riba 9 di maart na Centro Deportivo Betico Croes. E meta di e dia aki ta pa stimula mas hopi hoben femenino/hende muhe participa na deporte organisa y tambe haya mas informacion riba nan salud.

Diferente federacion deportivo a haya invitacion di Aruba Sport Unie pa forma parti di e actividad aki p’asina nan por haya e oportunidad di haya mas miembro hoben femenino/hende muhe bira miembro di nan federacion.

 

Banda di duna informacion cada federacion lo haya e oportunidad pa duna un demostracion di nan deporte p’asina por demostra kico nan deporte ta incera.

Lo bay tin organisacion riba tereno di salud cu informacionan valioso pa nos hende muhenan.

Entrada lo ta gratis y lo ta di 6:00pm pa 8:00pm dia 9 di maart.

Federacionan cu lo participa na e actividad te cu awor ta Aruba Karate Bond, Muay Thai Fed., Organisacion Caballista, Aruba Volleybal Bond, Aruba Voetbal Bond, Pickell Bal, Tang Soo Do, Synchro (De Barracudas) Aruba Kendo y Movecion ta Bida (guest).

Di parti di salud lo t’ey Minervaherbalfit, Chiropratico van Putten, Richelle Beaty Vision y Al Fresco.

 

Aruba Sport Unie pa medio di esaki kier a invita Aruba en general vooral nos hobennan femenino/hende muhe pa asisti e atardi aki p’asina por haya e oportunidad pa conoce diferente deporte organisa cu tin aki na Aruba y tambe con pa biba un vida mas saludabel.

Pa mas informacion por tuma contacto cu oficina di Aruba Sport Unie na tel. 5854071.

Leave a Reply

Top