Aruba Sport Unie ta organisa un 6km Funwalk pa su miembronan

Aruba Sport Unie ta informa cu diasabra 11 di maart ta organisa pa su miembronan di federacion y Aruba en general un caminata di 6km.

E Funwalk aki lo sali pa 5’or di atardi for di Centro Deportivo Betico Croes bay direccion di Cas Ariba, splitsing Urataca, Picaron, veld di Warawara, Macuarima, Wema bek pa Centro Deportivo Betico Croes. (Ruta di Betico Croes Memorial 6km walk).

 

Ticket ta obtenible pa cumpra na diferente federacion miembro di ASU y pa esnan cu ta interesa pa participa ainda por cumpra ticket na balor di Afl. 5,- pa persona e mesun atardi dia 11 di maart na oficina di ASU. E ticket ta inclui na final un fruta, awa y juice/gatorade.

 

Aruba Sport Unie ta invita pueblo engeneral amantenan di funwalk, atletanan y dirigentenan di diferente federacion pa participa na e actividad p’asina e por bira un exito.

Lo por registra di 3’or adelante y lo por cumpra ticket tambe.

Pa mas informacion por tuma contacto cu Aruba Sport Unie na tel. 5854071.

Top