Aruba Table Tennis a tene su torneo di ranking luna di februari

Federacion di Tenis di Mesa a tene su prome torneo di ranking pa 2017. E hungadornan den tur categoria a enfrenta otro p’asina defini nan posicion fiho riba e ranking di ATTA.

Tur fin di luna e dicho federacion ta tene su torneo di ranking.

Nos tin e siguiente resultadonan: Den e categoria U10 nos a haya na prome lugar e hoben Dylan De Leca, mientras na di dos lugar a keda Brandon De Leca.

Den e categoria U13 nos tin na prome lugar e hobencita Mikayla Mathilda, mienteas na di dos lugar nos tin Bob Chung y na di tres lugar Joseline Boekhoudt.

Den e categoria U18 e prome lugar a bay pa Jeandry Mathilda, mientras na di dos lugar a keda Donald Yarzagaray y na di tres lugar Jean Claude Hoek.

 

Despues di esnan infantil y hubenil a sigui cune categorianan di B y A klas. Den e categoria di B klas na prome lugar a keda Alfred Leong, na di dos lugar nos tin Ching Ho Chung y na di tres lugar a keda Donald Yarzagaray.

Por ultimo den A Klas e bataya tabata fuerte unda Mario Lobo a termina na di prome lugar sigui pa Andy Gomes cu a keda na di dos lugar y Jeandry Mathilda cu a keda na di tres lugar.

 

Un danki sigur na Lotto, e Loteria di Aruba pa medio di Comision di Subsidio cu a subsidia e torneo ranking di Aruba Table Tannis Association.

Leave a Reply

Top