Aruba Taekwondo Bond a celebra Himno y Bandera

 

Diasabra ultimo Aruba Taekwondo Bond “ARTBO” a celebra Himno y Bandera na Centro di Bario Brazil.

Un total di 5 scol di Taekwondo a participa n’e campeonato y a haci e campeonato aki grandi. Tabatin un total di 36 poule di combate.

 

E evento riba su mes a cuminsa pa 10’or y mey y prensa local tabatey for di mainta p’asina ta presente pa mira nos atletanan den accion contra di otro unda cu e scolnan a bringa p’e Best Team Cup.

Grand Master Chaco Jose Cornelio, Augustines Tromp y Eric Barry tabata e 3 refereenan internacional cu a dirigi tur e peleanan, mientras cu David Dubero tabata encarga cu e poulenan di combate. Milli Dirksz tabata encarga cu e registracion di e peleanan.

Dr. Viviana Bustos y dr. Guaicaipuro Jimenez tabata e dos mediconan presente pa asisti e atletanan den caso di un lesion.

 

Aruba Taekwondo Bond ta extende su gratitud na tur e scolnan, refereenan, prensa, Monica Pimentel y specialmente n’e atletanan cu a participa.

 

 

 

 

Leave a Reply

Top