Aruba Taekwondo Bond a organisa un National Referee Kyorugi Refreshment Course pa su miembronan

 

Diasabra ultimo a tuma lugar un curso di arbitrahe y combate organisa pa Aruba Taekwondo Bond “ARTBO” na scol primario Kudawecha pa tur su miembronan.

Dr. Guaicaipuro Jimenez, Presidente di ARTBO a asisti n’e asamblea general di World Taekwondo Federation na luna di november na Canada y tabatin e campeonato mundial di junior y tur e reglamentonan nobo a wordo presenta na tur e paisnan presente.

 

Awor cu Taekwondo na Aruba ta bay cuminsa cu su campeonatonan nacional, e reglanan nobo ta na vigor.

Dr. Guaicaipuro Jimenez a acerca Grand Master Jose Chaco Cornelio, kende ta referee Olimpico y cu sa bon tocante di tur e cambionan aki y pa duna un refreshment course n’e miembronan di ARTBO aki na Aruba.

Grand Master Chaco Jose Cornelio tin amor pa Taekwondo y semper ta habri pa duna cualkier curso of informacion di Taekwondo na Aruba y rond mundo.

 

Grand Master Chaco Jose Cornelio a             haña su mes cu un grupo hopi motiva cu a presenta n’e curso aki y cu a cuminsa for di mainta 9’or te cu atardi 4’or.

Grand Master Chaco Jose Cornelio a splica tur reglamento y tur e coachnan cu a presenta lo mester bay bek na nan alumnonan p’asina splica nan tocante di tur reglamento nobo p’e proximo evento cu ta bay tin na Aruba tambe.

 

ARTBO su proximo campeonato ta dia 11 di maart y e reglamentonan aki lo wordo aplica pa nos refereenan internacional cu a sigui e curso di diasabra ultimo.

ARTBO ta mantene su miembronan al tanto di tur desaroyo nobo cu ta tuma lugar den e mundo di Taekwondo.

Leave a Reply

Top