Aruba Tourism Authority cu orguyo ta sigui promove nos isla den Mercado Hulandes

E fotografo renoba, Raymond Rutting, ta riba nos isla cu famoso cantante, Marco Borsato, pa un ‘photography masterclass’ workshop. No solamente nan ta capturando e esencia di Aruba, sino lo comparti cada paso di nan workshop -for di e momento cu nan a sali di Hulanda te cu ora nan bolbe bek- cu henter mundo riba nan rednan social.

Esaki ta ricibiendo bon acogida bou di fans di Marco Borsato y Raymond Rutting y varios medio na Hulanda ya caba a pasa cobertura tocante e trip aki.

E cobertura lo sigui unda ambos personahe lo aparece despues di e biahe den e.o. un “latenight show” renombra na Hulanda, RTL

Late Night cu Humberto Tan, kende porcierto tambe a yega di tin un exibicion di Aruba. Aki nan lo comparti nan bunita experiencia y imagennan di nos dushi isla.

Continuando cu e cobertura, e aña aki lo tene un exposicion unda lo expone e trabao haci na Aruba.

ATA a prepara un programa extenso incluyendo diferente actividad di nos dushi Carnaval.

 

Ta un honor pa tin un fotografo renoba manera Raymond Rutting y un personahe famoso manera Marco Borsato embarcando riba un proyecto bunita asina di nos isla.

CEO di ATA, Ronella Tjin Asjoe-Croes, a topa cu Raymond y Marco p’asina comparti mas informacion tocante nos dushi isla y alabes gradici nan pa nan bishita riba nos isla.

Nos Minister President, Mike Eman tambe tabatin un encuentro cu Raymond y Marco, unda a intercambia pensamentonan di nos dushi isla.

Leave a Reply

Top