Aruba Triathlon lo organisa su prome actividad despues di vakantie grandi, esta un Kids OFF Road Aquathlon

Despues di un bon temporada di vakantie grandi, Federacion di Aruba Triathlon, ATA lo organisando su prome actividad, cu ta un Kids Off Road Aquathlon pa muchanan te cu 16 aña.

E evento di off road aquathlon lo inicia pa 7or di mainta y lo tuma lugar na Arashi, e diasabra 26 di augustus.

Por participa como individual of den ekipo di relevo. Lo bay tin tres categoria di Kids cual ta femenino/masculino 7 – 8 aña cu lo core 500 meter despues mester landa un total di 50 meter y por ultimo core un distancia di 500 meter.

Den e categoria di 9-10 y 11-12 aña esakinan lo mester core 1km despues landa 100 meter y completa e evento unda lo mester core 1km.

Por ultimo den e categoria di 13-14 y 15-16 nan lo inicia cu e careda di coremento riba un distancia di 1.5km despues landa 200 meter y completa e careda cu un coremento di 1.5km.

 

Federacion di Aruba Triathlon a conoce un crecemento bou di nos mucha y hobennan cu ta practica e deporte aki. Tin algun di nos atletanan hoben den e deporte aki ya tin cierto nivel halto di competencia y ta sobresali den e diferente eventonan bishita den exterior.

Es mas e hoben atleta femenino Rebecca Jansen a sali Aruba su atleta di aña 2016 den e categoria infantil.

 

Un danki sigur na Lotto, e Loteria di Aruba pa medio di Comision di Subsidio cu tambe a yuda subsidia e evento di Kids Off Road Aquathlon.

Leave a Reply

Top